طبق الشوربة على السفرة من احب الاطباق للاطفال والكبار. احب التفنن وتغيير اطباق الشوربة بين الحين والآخر. وهذه الوصفة (شوربة الدجاج الربيعية) نالت اعجاب ابنائي. سهلة ولا تاخذ وقت او مجهود
المقادير
صدر دجاجة مقطع او قطع دجاج مع الجلد
بصلة مفرومة
نفرد مقدار 3 ملاعق من اوراق الريحان والبقدونس والخس
ملعقة كبيرة صلصة طماطم
قليل من زيت الزيتون
مكعب خضار او خلطة (ملح, فلفل اسود, كركم, بهارات مخلوطة, دارسين) كبديل لمكعب الخضار
الطريقة
يحمر الدجاج مع البصل بالزيت على نار متوسطة لمدة 10 الى 15 دقيقة
تضاف اوراق البقدونس والريحان و الخس ثم صلصة الطماطم ومكعب الخضار او البهار
يصب مقدار 4 اكواب ماء وتترك الشوربة على النار لمدة 15 الى 30 دقيقة
وبالعافية عليكم
8 comments:
يعطيج العافية
وصفة سهلة وسريعة
قواج الله يا قمر
:))
انا اللي كاسر خاطري صلاح.
بس يشوف مسكين :(
كنت اتجنب هالبلوق
لكن لامفر
لول
بس الشوربات والله تناسب رجيمي يبيله اجرب
قواج الله وماقصرتي
خس بالشوربة امبيه انتي خطيرة ...
مو متخيلة طعمه شلون بكون ...
بس أنا غرامي شي اسمه شوربات وباشتا بعد أووووووووف حدها تكون عجيبة ..
وتسلم الأيادي وبالعافية ..
حلوة قوى
انا هاجربها ان شاء الله
بس هو ايه الدارسين ده
تحياتى
yin
هلا بالغالية ما عليه تاخرت بالرد كنت مشغولة وايد
جربيها وعطيني الاخبار
يا الحبيبة
:)
yang
حياك يا بو يانج الاول
:)
منور المطبخ
اما اذا على المسكين
فكل شي تشوفونة يكون صلاح اول الذواقين
واذا كانت الوصفة يحبها وايد يغوص فيها
:)
لا تحاتيه وايد
sn3a
هلا والله بالغالية
يا كل السنع
:)
منورة
والله يخليج
نورينا دوم ولا تقاطعين ولا تتجنبين
:)
الشوربة سهلة
وللريجيم بتكون افضل شي
بالعافية
:)
om mod
هلا والله بام حمودي
:)
شفتي تجاربي وين وصلت
خس بالشوربة
:)
بس جربيها وايد حلوة
مافي شي غير بالطعم لانه قريب وايد من اي نوع خضرة
تسلمين يالغالية وحياج الله
:)
بنت الغربة
اهلين باهل الامارات
الدارسين هي القرفة
وان شاء الله تعجبكم الوصفة لما تتذوقونها
:)
وانتظروا الوصفة القادمة
سلطة الروبيان مع الباذنجان
:)
الطريقه جدا سهله و حلوه
تبينها تصييييييير شي بعد
حطي قفشه كووييييكر اخر شي
و شووفاي اشتطلع
lawyer
walah 3ndech afkar
yalah
open a new blog
just for food
:)
Post a Comment